არ აქვს მნიშვნელობა, სად განათავსებთ სასადილო ოთახს, სამზარეულოში თუ მისაღებ ოთახში, მნიშვნელოვანია, რომ თითოეული პატარა დეტალიც კი გათვალისწინებული იყოს. აქ შეიკრიბებით მთელი ოჯახი, ასევე მეგობრები და სტუმრები, ამიტომ, სასადილო ოთახის დაგეგმვასა და დიზაინს მაქსიმალური პასუხისმგებლობით უნდა მოეკიდოთ. თუ ქვემოთ ჩამოთვლილ შეცდომებს არ დაუშვებთ, სასადილო ოთახი გახდება ლამაზი, მყუდრო და კომფორტული ადგილი როგორც ოჯახის წევრებისთვის, ისე სტუმრებისთვისაც.
1. მაგიდის არასწორი ზომა
სასადილო ოთახის ავეჯის არჩევისას გაითვალისწინეთ ის ფაქტი, რომ მისი ზომა ოჯახის წევრების რაოდენობის მიხედვით უნდა შეირჩეს. თუ სტუმრებს მხოლოდ დღესასწაულებზე მიიღებთ, მაშინ დიდი მაგიდა და 6 სკამი ნამდვილად არაფერში გჭირდებათ.
ხოლო თუ ოჯახი დიდია და ნათესავები ძალიან ხშირად გსტუმრობენ, მაშინ გაცილებით ტევადი ავეჯი გჭირდებათ. იდეალური გამოსავალი გახლავთ მაგიდა-ტრანსფორმერი, რომელსაც თქვენი სურვილის მიხედვით შეუძლია შეცვალოს მისი ზომა. თქვენ შეგიძლიათ შეარჩიოთ დასაკეცი, ჩასაწევი ან სრიალა მაგიდა. ასევე, თანამედროვე ბაზარზე დიდი პოპულარობით სარგებლობს მაგიდის ის მოდელები, რომელთა დამალვა კარადაში ან კედელშია შესაძლებელი. ასეთი ვარიანტები ზოგავს ძვირფას ადგილს ოთახში, რაც განსაკუთრებით მნიშვნელოვანია, თუ პატარა ბინა გაქვთ. გარდა ამისა, ავეჯი-ტრანსფორმერი ძალიან ლამაზი და პრაქტიკულიცაა.
2. გაუთვალისწინებელი გასასვლელები
თუ სასადილო მისაღებ ოთახშია, ნუ განალაგებთ დივანსა და სავარძლებს მაგიდასთან ახლოს, წინააღმდეგ შემთხვევაში, თქვენს ავეჯს რთულად მოსაშორებელი საჭმლის ლაქები გაუჩნდება, ამიტომ უმჯობესია არ გარისკოთ და თავიდან აიცილოთ მსგავსი პრობლემები. თუ ბარი დივანთან სახიფათო სიახლოვეს მდებარეობს, უმჯობესია დაუმაგროთ მას სპეციალური ბამპერები. ასე თქვენ დაზღვეული იქნებით დივანზე დაღვრილი ყავისა და სასმლისგან გაჩენილი ლაქებისგან.
გარდა ამისა, არ ღირს სასადილო მაგიდის სამზარელოში განთავსება, რადგან ამან შესაძლოა მაცივართან, კარადასთან ან ავეჯის სხვა ელემენტებთან მისასვლელი სივრცე დაბლოკოს. დიზაინერების მოსაზრების თანახმად, სასადილო მაგიდასა და სამზარეულოს ინვენტარებს შორის მანძილი 120-150 სმ უნდა იყოს. მხოლოდ ამ შემთხვევაში შეძლებთ ოთახში ნორმალურად გადაადგილებას.
რჩევა: თუ არ გსურთ სასადილო ოთახში დიდი ზომის მაგიდის განთავსება, შეიძინეთ სრიალა მაგიდა: როდესაც იგი დაკეცილია, მისი ფართობი დაახლოებით 1 მეტრს შეადგენს. თუ მას გაშლით, მარტივად განთავსდება მასთან 6-8 ადამიანისგან შემდგარი კომპანია.
3. მრგვალი მაგიდა და სტაციონარული სკამები.
მიუხედავად იმისა, რომ მაგიდების მრგვალი მოდელები ახლა ძალიან პოპულარულია მომხმარებლებს შორის, სრული კომპლექტი სკამებთან ერთად ძალიან დიდ ადგილს იკავებენ. თუ ოთახი ფართოა, მაშინ უპრობლემოდ შეგიზლიათ ამ მოდელის შეძენა. მაგრამ თუ ოთახში პატარა სივრცეა, გირჩევთ არ შეიძინოთ მაგიდის მრგვალი მოდელი.
კვადრატულ და მართკუთხა მოდელებს შორის ბევრად უფრო შესაძლო ვარიაციებია. თქვენი სურვილებისა და მოთხოვნების მიხედვით შეგიძლიათ იპოვოთ როგორც მოცურების, ისე დასაკეცი მაგიდა. თუ თქვენ გადაწყვეტთ დასაკეცი მაგიდის შეძენას, ნუ შეიძენთ მასთან ერთად სტაციონალურ სკამებს. ჩვეულებრივ, ასეთი სკამები ძალიან მოცულობითია და თქვენთვის ძვირფასი სანტიმეტრების დიდ ნაწილს დაიკავებს. უმჯობესია შეიძინოთ დასაკეცი ან საყრდენი სკამები, რომლებიც დაზოგავს ადგილს თქვენს ოთახში და მას ვიზუალურად უფრო დიდს გამოაჩენს.
4. არასაკმარისი სინათლე
სასადილო ფართობის მოწყობისას გაითვალისწინეთ ის ფაქტი, რომ მაგიდა არ უნდა იდგეს ოთახის “განაპირა მხარეს”. ასეთი ვარიანტი მხოლოდ იმ შემთხვევაში გამოგადგებათ, თუ მის განსათავსებლად ოთახში მეტი თავისუფალი ადგილი არ არის. იდეალური გადაწყვეტილებაა მაგიდისა და სკამების ფანჯარასთან განთავსება, რათა დღის განმავლობაში შეძლოთ ლამაზი ხედებითა და მზის სინათლით ტკბობა. გარდა ამისა, სასადილო მაგიდისა და სკამების თავზე აუცილებლად უნდა დაიკიდოს ჭაღი ან სხვა ნათურები. დიზაინერები გვირჩევენ განვიხილოთ ვარიანტები ბზინვარე-გლუვი კორექტირექტირებებით. ასეთი ფუნქცია განსაკუთრებით სასარგებლოა ღამით, როდესაც ყველას სძინავს და თქვენ არ გსურთ სასადილო ოთახში ძალიან მკვეთრი შუქის ანთება.
5. ტელევიზორი სასადილო ოთახში
მთავარი შეცდომა, რომელიც ბინის მეპატრონეებმა შეიძლება დაუშვან, სასადილო ზონასთან ახლოს ტელევიზორის განთავსებაა. სამედიცინო მითითებების თანახმად, არ შეიძლება ერთროულად ჭამა და ტელევიზორის ყურება, რადგან ეს ჯანმრთელობისთვის საზიანოა. საჭმელი ცუდად აბსორბირდება და თქვენ ვერ გრძნობთ თავს დანაყრებულად, თუნდაც ორი ულუფა მიირთვათ. სადილის დროს ახალი ამბების, რეალითი-შოუებისა და სხვა სატელევიზიო პროგრამების ნაცვლად, თქვენ უნდა დაუთმოთ დრო ოჯახს და მათთან ურთიერთობას.
