თითოეულ ადამიანს გამოხატვის თავისებური გზა აქვს. ზოგი ცდილობს მუსიკით ან ცეკვით წარმოაჩინოს საკუთარი თავი, ზოგს პოეზიის ან პროზის წერა უყვარს. თუმცა, ხელოვნების ყველაზე დაუფასებელი ფორმა არქიტექტურა გახლავთ, სწორედ მასშია უამრავი სირთულე და გაურკვევლობა, რადგან კომფორტული და ლამაზი სახლის დაპროექტება არც ისე ადვილი საქმეა. რა თქმა უნდა, არქიტექტორების უმეტესობა არ სცილდება ურბანული დაგეგმარების ზოგადად მიღებულ ნორმებსა და წესებს, მაგრამ არსებობენ ორიგინალური ადამიანებიც, რომლებიც იყენებენ თავიანთ სახლებს, რათა საკუთარ თავი წარმოაჩინონ.
1. “ტყის სპირალი” Hundetwasser Building (დარმშტადი, გერმანია)
გერმანიის “მეცნიერებათა ქუჩაზე” (რომელსაც ასევე დარმშტადს ეძახიან) შესაძლოა შეხვდეთ აბსოლუტურად არაორდინალურ შენობას, რომელიც აშკარად გამოირჩევა ურბანული არქიტექტურის ზოგადი სურათიდან. ასეთი უჩვეულო ქმნილება შეიქმნა ფრიდენსრეიხ ჰანდერვატსერის მიერ, მან რეალობად აქცია საკუთარი კონცეფცია “ეკოლოგიური სახლის” შესახებ, რომელსაც ძალიან საინტერესო ფორმა აქვს.
საინტერესოა: ფრიდენსრეიხ ჰანდერვატსერი (1928-2000) იყო ცნობილი ავსტრიელი არქიტექტორი და მხატვარი, რომელიც ცნობილი გახდა თავისი ექსცენტრიულობით, ბუნებრივი, ეკოლოგიური და ბიომორფული სტილით შექმნილი არასტანდარტული შენობების დიზაინის გამო. მთელი თავისი ცხოვრება ის ცდილობდა დაემტკიცებინა, რომ კაცობრიობამ უნდა იცხოვროს გარემოსთან ჰარმონიაში, განსაკუთრებით კი ქალაქში, რადგან სწორედ მეგაპოლისებს არ აქვთ ბუნებასთან ელემენტარული სიახლოვე. აქედან გამომდინარე წარმოიშვა არაორდინალური კონცეფციები, რომლებიც, მისი აზრით, იდეალურად ერგება მიმდებარე ლანდშაფტს და სრულიად განსხვავდებიან ნებისმიერი ზოგადად მიღებული არქიტექტურული ფორმებისა და მიმართულებებისგან.
გამონაკლისი არც საცხოვრებელი კომპლექსი Waldspirale (ტყის სპირალი) ყოფილა,რომელიც 1990-2000 წლებში აშენდა. ამ უჩვეულო ნაგებობას აქვს U-ფორმა, უნიკალური სპირალისებური დახრილი სახურავი, სადაც იზრდება ხეები, ყვავილები და ბალახები. ამ ველური ბუნტის ფონზე, პროექტის ავტორმა კაფე და ბარი განათავსა, სადაც ქალაქის მაცხოვრებლებსა და სტუმრებს კარგი დროის გატარება შეეძლოთ.
თავად კომპლექსი უფრო ჰგავს ზღაპრულ ქალაქს, რადგან იგი იზოლირებულია თანამედროვე სამყაროსგან, მასში არ არის სწორი ხაზები, კუთხეები, იდენტური ფანჯრები და მოსაწყენი ფერები. იქიდან გამომდინარე, რომ შენობას U-ფორმა აქვს, შესაძლებელი გახდა მყუდრო და თვალწარმტაცი ეზოს მოწყობა, სადაც უამრავი მცენარე დაირგო, გარდა ამისა, ეზოს აქვს საკუთარი აუზი და ფანტანი.
2. “გუმბათები მსოფლიოსთვის” იოგაკარტა (ინდონეზია)
ეს ალბათ მსოფლიოში ერთ-ერთი ყველაზე უნიკალური სახლია. საცხოვრებელი სახლისთვის ეს ძალიან უჩვეულო კონსტრუქცია ამერიკელმა არქიტექტორებმა და მშენებლებმა, რომლებიც ცდილობენ უზრუნველყონ ძალიან ხელმისაწვდომი და სწრაფად ასაწყობი საცხოვრებელი სახლი მათთვის, ვინც სტიქიური უბედურების დროს დაზარალდა, და არა მხოლოდ.
ფირმა, რომელმაც “Domes for world” შექმნა, თავის პრიორიტეტად მიიჩნევს “მთელს მსოფლიოში ადამიანების ცხოვრების გაუმჯობესებას მრავალი კატასტროფის უსაფრთხო და მდგრადი საცხოვრებლის უზრუნველსაყოფად”. უფრო მეტიც, ამ ტიპის “ეკო ჭურვებისა” და მონოლითური გუმბათების მშენებლობა არა მხოლოდ თქვენთვის საცხოვრებელ ფართს უზრუნველყოფს, არამედ საშუალებას გაძლევთ შეინარჩუნოთ ირგვლივ არსებული ბუნება, რადგან მის ასაშენებლად არ არის საჭირო ხის მასალა, და ამავდროულად თქვენ არ დაგჭირდებათ ნაყოფიერი მიწის დიდი ტერიტორიის გასუფთავება. ეს უნიკალური საცხოვრებელი კორპუსი მზადდება ულტრა-თხელი ბეტონისგან შექმნილი ბლოკებით, რომლებშიც არმატურის მინიმალური რაოდენენობაა, აშენებული სახლის რადიუსი მხოლოდ 7 მეტრს შეადგენს.
მინიმალური ენერგიისა და ინვესტიციის სწრაფი კომპლექტაციის გარდა, გუმბათოვანი სახლები ეკოლოგიურად სუფთა საცხოვრებლად ითვლება, რადგან ბეტონის თერმული მასა საშუალებას გაძლევთ შეინარჩუნოთ სტაბილური შიდა ტემპერატურა 27 გრადუსი. გუმბათების განსაკუთრებული დიზაინი და ბეტონის კომპოზიცია, რომლისგანაც ეს შენობები მზადდება, მათ ხდის უფრო სტაბილურსა და ძლიერს, ვიდრე სხვა სტრუქტურებს. ისინი ისე არიან დაცული ბუნებრივი კატასტროფებისგან, რომ შენობას შეუძლია გაუძლოს ტორნადოს, მიწისძვრებს, ქარიშხლებსა და კიდევ ხანძარს. ასევე, ისინი მდგრადია ნებისმიერი მწერებისგან დაზიანებისგან და არ ედებათ ობი, ამასთან, არ საჭიროებენ განსაკუთრბულ მოვლას.
3. “Egg House” ახალგაზრდა ჩინელი არქიტექტორის “კვერცხის სახლი” (პეკინი)
ძალიან უჩვეულო, კვერცხის ფორმის საცხოვრებელი შეგიძლიათ იპოვოთ პეკინის ერთ-ერთი ოფისის წინ. ასეთი უცნაური შენობა აქ ერთ-ერთი თანამშრომლის ძალისხმევით გამოჩნდა, რომელმაც ამ გზით გადაწყვიტა საცხოვრებელი ფართის ქირისა და მგზავრობისთვის განკუთვნილი თანხის დაზოგვა. ახალგაზრდა ბიჭი დაი ჰაიფეი, არქიტექტურული ინსტიტუტის კურსდამთავრებული, უპრობლემოდ გაუმკლავდა ამ ტიპის მშენებლობას, რომელსაც დაახლოებით 1000 დოლარი დასჭირდა. იგი თავის თავშესაფარს ეკოლოგიურად აშენებულ ნაგებობად მიიჩნევს, იმის გათვალისწინებით, რომ ახალგაზრდამ ასეთი უცნაური მინი სახლის კარკასი ბამბუკის ღეროებისგან შექმნა. ხოლო სითბოსა და ხმის იზოლაციისთვის, ძალიან ორიგინალური რამ მოიფიქრა, მან თავდაპირველად ნახერხით გაავსო ტომრები, რომლებიც საგულდაგულოდ გაამყარა, ზემოდან კი ბალახის თესლით სავსე ტომრებით გადაფარა მთელი სახლი. მცენარეები გაზაფხულობით ყვავის და ქმნის ცოცხალ საფარს.
სახლი შიგნით ხისგანაა აწყობილი, ასევეა იატაკიც, საწოლი და ორი პატარა ტუმბო. კვერცხის მცირე ფორმის გათვალისწინებით, არც შხაპი და არც აბაზანა არ თავსდება მასში, მაგრამ ბიჭმა გამოსავალი იპოვა. იგი შხაპს იღებს საოფისე აუზში, ტუალეტში კი ყოველ ჯერზე უახლოეს სავაჭრო ცენტრში მიდის. კვერცხის ფორმის სახლის სიმაღლე მხოლოდ 2 მეტრს შეადგენს.
ამ პატარა ნაგებობას, სტანდარტული საცხოვრებელი სახლისგან რამდენიმე უპირატესობა აქვს. მაგალითად, Egg House-ის აშენებისა და დიზაინის უმცირესი ღირებულების გარდა, იგი მობილური გახლავთ (ბორბლები აქვს დამონტაჟებული), მარტივია მოსავლელად და არ გჭირდებათ გადახდა კომუნალური მომსახურებისთვის. რაც მთავარია, საცხოვრებლის პრობლემის ასეთი არასტანდარტული გადაწყვეტა გახდა უფასო რეკლამა იმ არქიტექტურული ბიუროსთვის, რომელშიც დაი ჰაიფეია დასაქმებული.
4. შეიხი ჰამადის “სახლი-პლანეტა დედამიწა” (არაბეთის გაერთიანებული საამიროები)
გიგანტური გლობუსის ფორმის უჩვეულო სახლმა შეავსო არაბი შეიხის ჰამად ბინ ჰამდან ალ ნაჰიანის ბინებისა და მანქანების (ამავე დროს) კოლექცია. უჩვეულო მოძრავი რეზიდენცია ემსახურება ქვეყნის ერთ-ერთი ყველაზე მდიდარი და ძლიერი შეიხის მოგზაურობას. გლობუსის ფორმის სახლს საკმაოდ შთამბეჭდავი ზომები აქვს-მისი სიმაღლე 12 მეტრს აღწევს, სიგანე კი 20 მეტრს. შიდა სივრცის ოთხივე სართული აღჭურვილია უმაღლესი დონით, მასში განთავსებულია 9 ძვირადღირებული საძინებელი ოთახი, მისაღები ოთახი, სასადილო ოთახი და 9 სველი წერტილი. მას ასევე აქვს ავტოფარეხი, რომელიც 4 მანქანას იტევს. ეს არაორდინალური მოძრავი სახლი 1993 წელს შესული იყო გინესის რეკორდების წიგნში.
5. სოკო-სახლი “Mushroom House” (ცინცინატი, აშშ)
14 წლიანმა შრომამ ხელი შეუწყო სრულიად ჩვეულებრივი სახლის წარმოუდგენელ ქმნილებად გადაქცევას, რომელიც არქიტექტურისა და დიზაინის პროფესორმა ტერი ბრაუნმა თავის სტუდენტებთან ერთად შექმნა. მთავარი მასალა, რომელიც მშენებლობის დროს და სამშენებლო სამუშაოების დასრულებისას გამოიყენეს, იყო ბუნებრივი ხე, რომელსაც სპეციალური ფორმა ჰქონდა. შენობის ორიგინალურობისთვის გამოიყენეს კედრისგან სპეციალურად დამზადებული მოღუნული ფილები, ნაჭუჭების ფრაგმენტები, ფერადი შუშის ნაწილები და სხვა მასალები და კომპონენტები, რომლებიც არატრადიციულია სახლის ასაშენებლად.
პროფესორი ამ სახლში პრაქტიკულად არ ცხოვრობდა, თუმცა, მასში მაინც იყო საცხოვრებელი კუთხე მოწყობილი ერთი საძინებელი ოთახით, აბაზანითა და მისაღები ოთახით. ძირითადად სოკოს სახლს იყენებდნენ, როგორც ოფისს ან აუდიტორიას, რომლის გაყიდვასაც გეგმავდა ტერი ბრაუნი, თუმცა, სამწუხაროდ, 53 წლის ასაკში მოულოდნელად გარდაიცვალა. ახლა კი ეს შესანიშნავი შენობა ადგილობრივ ღირსშესანიშნაობადაა ქცეული.
