საკუთარი სახლი-ეს არის ყველაზე მყუდრო და კომფორტული ადგილი ნებისმიერი ადამიანისთვის. და იმისათვის, რომ თქვენს ბუდეში კომფორტის სასურველი დონე შენარჩუნდეს, აუცილებელია თქვენი ძალისხმევის რეგულარული გამოყენება: რაღაც უნდა შეცვალოთ, რაღაც-რაღაცები გააუმჯობესოთ და რაღაც აღადგინოთ.

და დღეს, ჩვენი რედაქცია მოგიყვებათ აბაზანის რემონტისას დაშვებულ იმ ყველაზე პოპულარულ შეცდომაზე, რომლის გამოც, რემონტის შემდეგ, ძალიან მალე მოგიწევთ დაზიანებული ავეჯის გამოცვლა. ეს ყველაფერი მაღალ ტენიანობას ეხება და, არ უნდა დაგვავიწყდეს, რომ აბაზანაში ტენიანობისგან ხის მასალის დაცვა ძალიან მნიშვნელოვანი ამოცანაა, რომელსაც განსაკუთრებული ყურადღება უნდა მიექცეს.

ფოტო: © Depositphotos

ტენიანობისგან დაცვა

მაღალხარისხიანი ავეჯიც კი შეიძლება გაფუჭდეს, თუ იგი დაუცველია რეგულარული ტენიანობისგან და, შესაბამისად, სახლის მეპატრონეებმა წინასწარ უნდა იზრუნონ ობისა და სოკოსგან ხის კონსტრუქციების დაცვაზე. განსაკუთრებით მაშინ, თუ ასეთი ავეჯი სააბაზანოშია განთავსებული. რადგან ყველაზე ხარისხიანი ვენტილაციაც კი ვერ ახერხებს მათ დაცვას მაღალი ტენიანობისგან.

ფოტო: © Depositphotos

ხშირად, ბიუჯეტური რემონტის მქონე სააბაზანოები სრულად აღჭურვილია ისე, რომ წყალმომარაგებისა და სადრენაჟე მილები კედლებში არ არის დამალული. და, შესაბამისად, დამონტაჟებისას წარმოიქმნება პრობლემები, ვინაიდან ავეჯის დასამონტაჟებლად აუცილებელია მათში ტექნოლოგიური ხვრელების გამოჭრა.

პრობლემა იმაში მდგომარეობს, რომ ჩვეულებრივ აბაზანის ავეჯი დსპ მასალით მზადდება. და მიუხედავად იმისა, რომ ისინი მწარმოებლის მიერ არის დაცული წყლის წვეთებისგან, თუ მათში მილებისთვის ხვრელებს გააკეთებთ, ამ მასალის შიდა ნაწილი სრულიად დაუცველი გახდება. ასეთი მასალა ტენიანობას ძალიან ადვილად იწოვს, რის შედეგადაც ავეჯი იბერება და სწრაფად ფუჭდება.

აქედან გამომდინარე, ავეჯში გამოჭრილი ხვრელები აუცილებლად უნდა დამუშავდეს. ასეთი მიზნებისთვის კი უმჯობესია სილიკონის პლომბები გამოიყენოთ.

ფოტო: © Depositphotos

შიშველი სექციების დასაფარად, შეგიძლიათ გამოიყენოთ ტენიანობის გამძლე პვა წებო. თავდაპირველად სასურველია მასზე წებოს ერთი ფენა წაუსვათ, დაელოდოთ, სანამ გაშრება, შემდეგ გაასუფთავოთ ზედაპირი ზუმფარის ქაღალდით და წაუსვათ მეორე ფენა. ხის ასეთი დაცვა თქვენს ავეჯს ცუდი ვენტილაციის და მაღალი ტენიანობის დროსაც დაიცავს.

პასუხის გაცემა

გთხოვთ დაწერეთ კომენტარი
გთხოვთ ჩაწერეთ თქვენი სახელი