ნებისმიერი დიასახლისი იტყვის, რომ მას არ აქვს საკმარისი ადგილი სამზარეულოში, არ აქვს მნიშვნელობა, დიდია სამზარეულო თუ პატარა. რადგან ზედმეტი ჭურჭელი არ არსებობს: ქვაბები, ხუფები, თეფშები, კოვზები, ყველა სახლის გაჯეტები-ეს ყველაფერი შენახვისთვის საჭირო ადგილს მოითხოვს. და იმისათვის, რომ სამზარეულოში არ იყოს მუდმივი არეულობა, ჩვენ შევარჩიეთ 15 პრაქტიკული იდეა, რომლებიც დაგეხმარებათ თაროებზე ყველა ნივთის განთავსებაში.
1. ვერტიკალური უჯრა სამზარეულოს ინსტრუმენტების შესანახად
იმისათვის, რომ სამზარეულოს ინსტრუმენტები არ დაიფაროს მტვრითა და ცხიმებით, და ამავე დროს საჭიროების შემთხვევაში სულ თქვენს ხელთ იყოს, კარგი იქნება, თუ გააკეთებთ მოსახერხებელ ვერტიკალურ უჯრას დიდი სათავსოთი, რომელშიც სამზარეულოს ინსტრუმენტებს შეინახავთ და არეულობასაც აიცილებთ თავიდან.
2. თარო-საშრობი თეფშებისთვის
ნიჟარის ზემოთ მდებარე სივრცე შესანიშნავი ადგილია თეფშების საშრობი თაროს გასაკეთებლად. წყლის წვეთები პირდაპირ ნიჟარაში ჩაედინება, სუფთა ჭურჭელი კი მუდამ თქვენს ხელთ იქნება.
3. ასაწევი თარო
ასაწევი თარო, რომელიც ორ დაკიდულ კარადას შორისაა დამონტაჟებული, სამუშაო სივრცის ზემოთ, შესანიშნავი იდეაა თქვენი სამზარეულოს შესაძლებლობების გაზრდისთვის. კერძების მზადების დროს, თარო შეგიძლიათ ჩამოწიოთ და მასზე რეცეპტების წიგნი მოათავსოთ.
4. საკიდი კარადაზე სამზარეულოს ინსტრუმენტებისთვის
თუ თქვენ პატარა სამზარეულო გაქვთ და ყველაფერს მასში ვერ ატევთ, კარადის გვერდითა კედლები იდეალურია სამზარეულოს ინვენტარის მოსათავსებლად. შეიძინეთ სახურავის რელსები, კაუჭები, დაამაგრეთ ისინი კარადის გვერდითა კედელზე და დაკიდეთ მათზე მცირე ზომის აქსესუარები.
5. თარო საყოფაცხოვრებო ტექნიკისთვის
იმისათვის, რომ მიკროტალღურმა ღუმელმა სამუშაო ზედაპირზე დიდი ადგილი არ დაიკავოს, დაამონტაჟეთ მისთვის სპეციალური თარო. ეს შეიძლება დაამაგროთ კედელზე, ან დაკიდული თაროს ქვედა ნაწილზე.
6. ადგილი საჭრელი დაფებისთვის
საჭრელი დაფების შესანახად იდეალური ვარიანტია მათი მოთავსება ზედა კარადის ქვეშ. ასე ისინი სამუშაო ზედაპირზე ადგილს აღარ დაიკავებენ და ამასთან სამზარეულო ბევრად მოწესრიგებული გამოჩნდება.
7. თაროები ყველგან
მცირე ზომის დამატებითი თაროები კიდევ ერთი საინტერესო იდეაა, იმის შესახებ, თუ როგორ გამოვიყენოთ სამზარეულოს კარადის გვერდითი კედლები. ასეთ თაროებზე შეგიძლიათ განათავსოთ კალათები ტკბილეულით, სანელებლების ქილები და სხვა ნივთები.
8. პატარა სათავსოები
სამზარეულოს კარადების ქვედა ნაწილი შეიძლება აქციოთ მოძრავ უჯრებად. ეს საუკეთესო საშუალებაა იშვიათად გამოყენებადი ჭურჭლისა და მცირე საყოფაცხოვრებო ნივთების შესანახად. იატაკთან არსებულ კარადის უჯრებში შეგიძლიათ მოათავსოთ საცხობი ფორმები, ლანგრები, ძველი ტაფები, რომლებიც გენანებათ ნაგავში მოსასროლად, და ასევე ჭურჭელი, რომელსაც მხოლოდ დღესასწაულებზე იყენებთ.
9. ღია კარადები
არ არის აუცილებელი, რომ სამზარეულოს ყველა კარადა დახურული იყოს. ზოგიერთი სექციაში უჯრის ნაცვლად შეგიძლიათ ლამაზი დაწნული კალათები მოათავსოთ. ასეთი ღია უჯრები იდეალურია ბოსტნეულისა და ხილის შესანახად, რომლებსაც არ უყვართ სიცივე.
10. პეგბორდი
პერფორირებული პანელი ან პეგბორდის დაფა უნივერსალური და ძალიან მოდური შენახვის სისტემაა, რომელზეც ყველაფრის განთავსება შეგიძლიათ. მასზე დიდი რაოდენობის ხვრელების არსებობა საშუალებას გაძლევთ უამრავი ნივთი დაკიდოთ მასზე, ასევე დაამონტაჟოთ პატარა თაროები.
11. შესანახი სივრცე კარადის კარებზე
სამზარეულოს კარადების კარების შიდა ნაწილშიც კი შეგიძლიათ დაამონტაჟოთ შესანახი სისტემები.მაგალითად, მასზე შეგიძლიათ დაამაგროთ მაგნიტური ლენტი და სანელებლების რამდენიმე პატარა ქილა მიამაგროთ, ან დაფა დაამაგროთ, რომელზეც ჩანაწერები და რეცეპტებია.
12. დასაკიდი კონსტრუქცია
ეს მარტივი კონსტრუქცია ხის საკიდებით არა მხოლოდ პრაქტიკულ ფუნქციას ასრულებს, არამედ სამუშაო ადგილის ერთგვარი გაფორმებაცაა.
13. სივრცე ნიჟარის ქვეშ
ყველაზე ხშირად, სამზარეულოს ნიჟარის ქვეშ არსებულ სივრცეს საყოფაცხოვრებო ნივთების შესანახად იყენებენ, მაგრამ იმისათვის, რომ ეს სივრცე ყოველთვის მოწესრიგებული იყოს, დაკიდეთ მასში თხელი ღერძი, რამდენიმე კაუჭი და მოათავსეთ მათზე რამდენიმე იაფფასიანი კონტეინერი.
14. სადგამი სარეცხი საშუალებებისთვის
უსარგებლო ტორტის სადგამი შეგიძლიათ გარდაქმნათ სარეცხი საშუალებებისა და ჭურჭლის სარეცხი ღრუბლის მომხიბვლელ სადგამად.
15. დამატებითი ფუნქციები
ტექნიკის მაღაზიაში შეიძინეთ იაფფასიანი პლასტმასის თარო, რათა გამოყოთ სივრცე სამზარეულოს დიდი კარადის შიდა ნაწილში. ასეთი მარტივი ხრიკი მნიშვნელოვნად გაზრდის კონკრეტული სივრცის შესაძლებლობებს და მისი ფართობის მაქსიმუმის გამოყენების საშუალებას მოგცემთ.
