საბჭოური დრო დიდი ხნის წინ ჩაბარდა წარსულს და უკვე პრაქტიკულად ყველა ბინიდან იშორებენ იმ ნივთებს, რომლებიც ადრე ფუფუნების საგნად ითვლებოდა.
თანამედროვე დიზაინერები გირჩევთ, რომ გადაყაროთ ყველა ძველი ნივთი: ძველი კარის სახელურიდან, ძვირადღირებულ ანტიკვარულ ხელსაწყოებამდე.
საბჭოური ბროლი
გარკვეულწილად ისინი მართლები არიან, რადგან თანამედროვე ოთახის სტილი ძალიან განსხვავდება საბჭოურ წარმოდგენებზე კომფორტისა და სიმყუდროვის შესახებ.
ყველას სურს, რომ მათი საცხოვრებელი გამოიყურებოდეს მდიდრულად და მოდურად, მაგრამ “მაღალი ღირებულების” მნიშვნელობაში ბოლო 20 წლის განმავლობაში ბევრი რამ შეიცვალა.
მდიდრული ნივთებს, რომლებიც ძველად ძალიან პოპულარული იყო, თანამედროვე დიზაინერები საშინლად ვულგარულად მიიჩნევენ. ახლა ინტერიერის უმეტესობა ეფუძნება სიმარტივეს, ბუნებრიობასა და ფუნქციურობას. საგანთა პრაქტიკულობას ძალიან დიდი მნიშვნელობა აქვს.
თუმცა, არსებობს საბჭოთა ფასეულობათა მცირე ჩამონათვალი, რომლებიც კარგად ჯდება თანამედროვე ბინის ან სახლის ინტერიერში. ამიტომ, ნუ გადაყრით მათ.
საბჭოური ანტიკვარიატი, რომლებიც ჯდება თანამედროვე ინტერიერში
1. ბროლი
საბჭოთა დროის ბროლის ჭურჭელი სინამდვილეში ძალიან ლამაზია. განსაკუთრებით მაშინ, თუ იგი მთელი არ არის!
გამოიყენეთ ის ბროლის ჭურჭელი, რაც გაქვთ. ნუ შეინახავთ მას “შავი დღისთვის”, როგორც ამას ბებიები აკეთებდნენ.
თქვენ შეგიძლიათ გაყიდოთ ბროლის ჭურჭელი, მაგრამ დაიტოვოთ საყვარელი ნივთები: ვაზა, რამდენიმე ბაკალი და საკანფეტე. ანტიკვარების ასეთი მცირე რაოდენობა ელეგანტურად მოერგება სამზარეულოს ან მისაღები ოთახის დახვეწილ თანამედროვე ინტერიერს.
2. ხალიჩა
ხარისხიანი მატყლის ხალიჩები ჯერ კიდევ ძვირად ფასობს. და ასეთი ძვირადღირებული ნივთის ინტერიერში შეყვანა სულაც არ არის რთული! ყველაზე მნიშვნელოვანი რჩევა აქაც მხოლოდ ზომიერებაა!
ნუ დაფარავთ ყველა კედელს ხალიჩებით, ან იატაკზე ნუ დააგებთ ძალიან დიდ ხალიცას. აირჩიეთ თქვენთვის ყველაზე საყვარელი მცირე ზომის ხალიჩა და დააგეთ იგი თუნდაც სასადილო მაგიდის ქვეშ. ლამაზ ლამინატზე იგი ძალიან მოდურად გამოიყურება.
3. ჭურჭლის კომპლექტი
ჩვენ გირჩევთ, არ გამოიყენოთ ყველა ჭურჭელი კომპლექტიდან, რადგან ისინი თანამედროვე სამზარეულოსთვის ზედმეტი იქნება. თუმცა, საბჭოური ჭურჭლის კომპლექტში არის ძალიან ლამაზი თეფშებიც, მაგალითად, დიდი ზომის თეფშები ტორტისთვის, რომლებსაც ახლა ვეღარსად იპოვით.
სამზარეულოში მაქვს ღრმა და ბრტყელი თეფშები ტორტისთვის, რომლებსაც მოოქროვილი კიდეები აქვს. ისინი ძალიან ელეგანტურად და თანამედროვედ გამოიყურება.
კიდევ ერთი რჩევა რედაქციისგან: ძველი ჭურჭლისგან შეგიძლიათ დაამზადოთ ლამაზი ლამფები, ჭაღები, სანათები და საკიდებიც კი.
თუ ძველ ჭურჭელს ფრთხილად მოეპყრობით, თქვენი სახლის ინტერიერს უფრო ორიგინალურს და განსაკუთრებულს გახდით.
