პატარა ბინის მფლობელებისთვის ყოველთვის რთულია შეზღუდულ სივრცეში საჭირო ავეჯისა და ნივთების განთავსება, მაგრამ ყველას სურს ჰქონდეს მყუდრო ბინა და არა საწყობი. სიტუაციის სირთულის მიუხედავად, გამოსავალი ყოველთვის არსებობს, უბრალოდ უნდა მოინდომოთ და მოუსმინოთ გონივრულ დიზაინერულ რჩევებს. ისინი დაგეხმარებათ აირჩიოთ შესაფერისი ვარიანტი კონკრეტული ტერიტორიისთვის და ჩაჯდეთ არსებულ ბიუჯეტში.
თითოეულ საცხოვრებელ სახლს, როგორიც არ უნდა იყოს მისი ზომა, აქვს საკუთარი გეომეტრიული ფორმა და სიმაღლე, ამიტომ, ინტერიერის დიზაინის ზოგიერთი ვარიანტი ძალიან უხდება ზოგიერთ ბინას, ზოგს კი საერთოდ არ უხდება. ჩვენმა რედაქციამ მოამზადა რამდენიმე წარმატებული დიზაინის პროექტი და 8 პრაქტიკული რჩევა, რომლებიც მცირე ზომის ბინის მფლობელებს მათთვის შესაფერისი ვარიანტის შერჩევაში დაეხმარება.
1. როგორ გამოვიყენოთ მცირე სივრცე მაქსიმალურად
თუ თქვენს ბინაში პატარა ტერიტორიაა, პირველ რიგში გააანალიზეთ, როგორ გამოიყენებთ არსებულ სივრცეს. როგორც წესი, ყველა სახლში არის ადგილი, რომელსაც განსაკუთრებული ყურადღება უნდა მიექცეს, რადგან სწორედ ასეთი ადგილი დაგეხმარებათ გაათავისუფლოთ დამატებითი სივრცე სხვა აქტივობებისთვის.
ასეთ შემთხვევაში დიზაინერები გირჩევთ:
- თუ რაღაც არც თუ ისე საჭიროა და არ ღირს მისი შენახვა. როგორც წესი, ასეთ ნივთებს არასდროს იყენებენ.
- კარადაში მაქსიმალურად გამოიყენეთ არსებული თაროები, უჯრები და საკიდები. ამ საკითხში იდეალური დამხმარეა ორგანაიზერები, სპეციალური საკიდები, კალათები და ვაკუუმური ტომარები ზედმეტი ნივთების შესანახად.
- ნუ შეგეშინდებათ სივრცესთან ექსპერიმენტების ჩატარების, აუცილებლად გამოიყენეთ კედლებისა და სხვა ბრტყელი ზედაპირის მაქსიმუმი.
- შეეცადეთ გაათავისუფლოთ უფრო მეტი სივრცე იატაკზე, ეს მოგცემთ არა მარტო ვიზუალურ, არამედ დამატებით საცხოვრებელ სივრცეს.
- სცადეთ დაყოთ ოთახები ზონებად. ეს დაგეხმარებათ სივრცე მრავალფუნქციური გახადოთ.
2. სწორად შერჩეული ფერები
როგორც დიდი ხნის პრაქტიკა გვიჩვენებს, ნეიტრალური ფერებს შეუძლიათ ვიზუალურად გაზარდონ სივრცე, შექმნათ საოცრად მსუბუქი შუქები და ადამიანის ფსიქიკაზე დადებითად მოქმედი ატმოსფერო.
კონტრასტული ინტერიერი ძალიან ორიგინალურად და თანამედროვედ გამოიყურება, თუმცა, მან შესაძლოა ვიზუალურად შეამციროს ისედაც პატარა ფართი.
3. ჭერის სიმაღლის გამოყენება
თუ თქვენს ბინას მაღალი ჭერი აქვს, ის მაქსიმალურად უნდა გამოიყენოთ. მართალია, თქვენთვის საჭირო პარამეტრების მქონე ავეჯის შეძენა მაღაზიებში ძალიან რთულია, თუმცა ეს პრობლემას აღარ წარმოადგენს, რადგან მათი შეკვეთა შეგიძლიათ. რა თქმა უნდა, ზედა თაროების გამოყენება არც თუ ისე მოსახერხებელია, მაგრამ სპეციალური დასაკეცი კიბის მეშვეობით ამ პრობლემას მარტივად მოაგვარებთ.
თუ ჭერის სიმაღლე სტანდარტულია და დამატებითი შესანახი ადგილების დამონტაჟება ვერ ხერხდება, შეგიძლიათ ვიზუალურად მაინც გაზარდოთ სივრცე და შექმნათ უფრო ჰაეროვანი ატმოსფერო. ამისთვის თქვენ უნდა გამოიყენოთ ფარდები იატაკიდან ჭერამდე, ან შპალერი ვერტიკალური ზოლებით, რომლებიც უფრო დიდი მოცულობის ილუზიას შექმნიან და ამით მიიქცევენ ყურადღებას.
4. სარკიანი ზედაპირები
სარკე სივრცეს უფრო მოცულობითს, მსუბუქს და ჰაეროვანს ხდის. მთავარია, არ გადააჭარბოთ სარკიანი ან პრიალა ზედაპირების დამონტაჟებისას. თუ გსურთ თქვენი ბინის დიზაინში უჩვეულო დეტალები შეიტანოთ, შეიძინეთ რამდენიმე ამოზნექილი სარკე, რომ ბინაში მხიარულება შეიტანოთ და განწყობა აიმაღლოთ.
5. შესაფერისი ზომისა და კონფიგურაციის ავეჯის შეძენა
მცირე ზომის ბინაში მასიური დივნები და პომპეზური საწოლები სამოძრაო ადგილს და თავისუფალ სივრცეს იპარავენ. ასეთი სივრცისთვის უმჯობესია შეარჩიოთ კომპაქტური დასაკეცი ავეჯი ან ავეჯი-ტრანსფორმერი.
თუ მაგიდა ან კარადა რამდენიმე ფუნქციას ერთდროულად შეასრულებს, თქვენ აღარ დაგჭირდებათ სხვა ავეჯის შეძენა, რაც მნიშვნელოვნად დაგიზოგავთ ძვირფას კვადრატულ მეტრებს ბინაში.
6. ჩაშენებული ავეჯი და მცოცავი კარი
ასეთი კონსტრუქცია პატარა ზომის ბინაშიც კი საკმაოდ მომგებიანია. ოთახებს შორის კედლის ნაცვლად ჩააშენეთ ავეჯი და იგი ერთგვარი სივრცის გამყოფი ზონა გახდება.
თუ თქვენ აპირებთ დახურული შენახვის სისტემების დამონტაჟებას, უმჯობესია გამოიყენოთ მცოცავი სისტემები, გარდა იმისა, რომ ისინი ინტერიერს განსაკუთრებულ ხიბლს შესძენენ, დაზოგავენ სივრცესაც. ეს ასევე ეხება ოთახებს შორის არსებულ კარებს, რომლებიც უკეთესია ჩაანაცვლოთ მცოცავი კარით, პატარა ზომის ბინისთვის ეს გამოსავალი ბევრად უფრო რაციონალური და სწორია.
