სახეხი, როგორც სხვა ნებისმიერი მჭრელი ხელსაწყო, დროთა განმავლობაში კარგავს სიბასრეს და, ამავდროულად, უვარგისი ხდება. ამის გამო, ძალიან მნიშვნელოვანია პერიოდულად მისი საწყის ან მასთან მიახლოებულ მდგომარეობაში დაბრუნება. ამის გაკეთება ყველას შეგვიძლია, ხელთ არსებული საშუალებებით.
როგორც უკვე ვთქვით, ადრე თუ გვიან, ნებისმიერი სახეხი კარგავს სიბასრეს. ამასთან შერიგება დაუშვებელია, რამდენადაც, კიდევ გარკვეული დროის შემდეგ, იგი თავის ფუნქციებს საერთოდ აღარ შეასრულებს. ამის თავიდან ასაცილებლად აუცილებელია ერთი მარტივი მოქმედების შესრულება – სახეხის პირების ალესვა. ამისთვის წვრილხორკლიანი ზუმფრის ქაღალდი დაგჭირდებათ.
ლესვის პროცესი უკიდურესად მარტივია. მჭიდროდ დააჭირეთ ზუმფრის ქაღალდი სახეხს და დაიწყეთ ხეხვა ჰორიზონტალურად, მარჯვნივ და მარცხნივ. შეასრულეთ სწრაფი, ნაყოფიერი მოძრაობები და სულ რამდენიმე წამში სახეხი ისევ ბასრი გახდება. ამ საქმეში მთავარია, ძალიან არ მოინდომოთ და კბილები ზედმეტად არ ალესოთ. საკმარისია 15-20 წამი. ასევე, შეგიძლიათ წინასწარ ქაღალდის წყალში ჩალბობა.
მას შემდეგ, რაც სახეხს ალესავთ, არ დაგავიწყდეთ მისი გარეცხვა თბილი წყლითა და სარეცხი საშუალებით.
