ადრე თუ კაფიდან და სწრაფი კვების ობიექტიდან მოტანილი საჭმელი იყო პოპულარული, დღესდღეობით ადამიანთა უმეტესობა უპირატესობას სახლში მომზადებულ კერძებს ანიჭებს. პირველ რიგში ის უფრო გემრიელია, მეორეს მხრივ ეკონომიურია და რაც მთავარია შეგიძლია დარწმუნებული იყო, რომ კერძი ახალი ინგრედიეტებისგანაა მომზადებული. კულინარიაში საკმაო გამოცდილებაც კი არაა იმის გარანტი, რომ შეცდომას არ დაუშვებთ, ამიტომაც დღევანდელ სტატიაში ყველაზე ხშირ შეცდომების სიას წარმოგიდგენთ.

შეცდომა 1: ფქვილის გაუცრელად გამოყენება

არსებობს მოსაზრება იმის შესახებ, რომ ფქვილის გაცრა მხოლოდ ნაგვის მოსაშორებლადაა საჭირო. ხოლო იქიდან გამომდინარე რომ მაღაზიის თაროებზე შესაძლებელია მინარების არმქონე ფქვილის მოძიება, დიასახლისთა დიდი ნაწილი თვლის, რომ მისი გაცრა საჭირო აღარაა. თუმცა პროფესიონალმა მზარეულებმა კარგად იციან, რომ მომზადების ამ ეტაპის გამოტოვება არ ღირს. გაცრილი ფქვილისგან მოზელილი ცომი უფრო ფაფუკია, რადგანაც გაცრისას ფქვილი ჟანგბადით მდიდრდება, ქრება ხორკლები, რომლებიც შეფუთვებში ხშირად გხვდება. შედეგად გამომცხვარი კერძი უფრო ნაზი და ჰაეროვანი გამოდის.

შეცდომა 2: მომზადებისას კერძის უწყვეტი მორევა

არსებობს კერძები, რომელთა მზადების პროცესში ნამდვილად მუდმივად უნდა ურიოთ, თუმცა ამის შესახებ, როგორც წესი, რეცეპტშივე წერია. თუ აღნიშნული ინფორმაცია მითითებული არაა, კერძის მუდმივ რეჟიმში მორევა საჭირო არაა. კერძი რესტორნის დონის ნამდვილად არ გამოვა თუ მას გამუდმებით ატრიალებთ. ის ტრიალის გამო ვერ მოახერხებს ნორმალურად შეწვას და პირვანდელ ფორმასაც დაკარგვას, ამიტომაც პრეზენტაბელურ ვიზუალზე საუბარიც კი ზედმეტი იქნება.

შეცდომა 3: ცეცხლის მომატება, კერძი უფრო მალე რომ მომზადდეს

პროდუქტი სწორედ იმდენ ხანს უნდა მზადდებოდეს, რამდენიც საჭიროა. იმის იმედით, რომ პროცესი უფრო სწრაფად წარიმართება თუ ცეცხლს მუდმივად მოუმატებთ, შედეგი სავალალო იქნება – კერძი ან დაიწვება, ან კიდევ კერძი მხოლოდ გარედან შეიწვება, შიგნიდან კი უმი დარჩება. მსგავსი შედეგების თავიდან ასაცილებლად საჭიროა მომზადების ინსტრუქციას სწორად მიჰყვეთ და ცეცხლის დარეგულირებაში თვითნებობას არ მიმართოთ, არამედ ის წესისამებრ მუდმივ რეჟიმში აკონტროლოთ.

შეცდომა 4: ზეითუნის ზეთზე შეწვა

როცა ვცდილობთ რესტორნის დონის გემრიელი კერძის მომზადებას, უნებლით ხელში ზეითუნის ზეთს ვიღებთ. ვფიქრობთ, რომ ამ მეთოდით კერძი უკეთესი გამოვა, რეალურად კი ჩვენს ჯანმრთელობას ვნებთ. საქმე იმაშია, რომ ზეითუნის ზეთი Extra virgin 170 გრადუსზე ორთქლდება – ამ ტემპერატურაზე მასში კანცეროგენები წარმოიქმება, რომელიც არა მხოლოდ ორგანიზმისთვისაა საშიში, არამედ კერძის გემოსაც საგრძნობლად აფუჭებს. იმის გათვალისწინებით, რომ პროდუქტები 140-150 გრადუსზე მზადდება, ზეითუნის ზეთის გამოყენების შემთხვევაში საჭიროა კერძის, რაც შეიძლება სწრაფად მომზადება და თან ისე რომ ზეთის აორთქლება აკონტროლოთ. საერთო ჯამში უმჯობესია არ გარისკოთ და შეწვისათვის ჩვეულებრივი რაფინირებული ზეთი გამოიყენოთ.

შეცდომა 5: ტაფაზე პომიდვრის სხვა ბოსტნეულთან ერთად მოთავსება

სიჩქარეში ქვაბსა თუ ტაფაზე ყველა ინგრედიენტს ერთდროულად ვათავსებთ, რათა ისინი ჩვენი ჩარევის გარეშე მომზადდეს. ზოგ შემთხვევაში ეს მიდგომა სავსებით გამართლებულია, მაგრამ თუ კერძის შემადგენლობაში პომიდორი შედის, მაშინ სიჩქარე არაფერს გარგებთ. შეცდომებისგან თავის ასარიდებლად და იმისათვის, რომ კულინარიული შედევრი არ გააფუჭოთ, მარტივი წესი დაიხსომეთ: მჟავა(რომელსაც პომიდორი დიდი რაოდენობით შეიცავს) ხორცის მომზადების პროცესს აჩქარებს, თუმცა ბოსტნეულის წვას ანელებს. ასე რომ თუ თქვენ წვნიანს ან ბორშს ამზადებთ, პომიდორი მხოლოდ მას მერე უნდა ჩაუმატოთ, რაც სხვა ბოსტნეული უკვე გამზადებული იქნება. ხოლო თუ თქვენი მიზანი ხორცის მოთუშვაა, პომიდორი ან ტომატი შეგიძლიათ თავიდანვე დაუმატოთ. ამ შემთხვევაში ხორცი უფრო სწრაფად მომზადდება და ნაზი და წვნიანი იქნება.

შეცდომა 6: მოხარშული მაკარონის ცივ წყალში გავლება

მაკარონის სუფრაზე მირთმევამდე ცივ წყალში გავლება საბჭოთა პერიოდის გადმონაშთი ჩვევაა. ამ პერიოდში მაღაზიაში მხოლოდ ხორბლის ფქვილისაგან დამზადებული მაკარონის შეძენა შეიძლებოდა, ის კი გავლების გარეშე ფაფად იქცეოდა. დღესდღეობით პოპულარულია მყარი სახეობის მარცვეულისგან დამზადებული მაკარონი, რომელიც წებოვანი არ ხდება, თუ მომზადების ტექნოლოგიას სწორად მიჰყვებით(თავსახურის გარეშე დიდი რაოდენობით წყალში მოხარშეთ). თუ სპაგეტი მაინც ერთმანეთს მიეკრო, ამ შემთხვევაში შეგიძლიათ მცირეოდენი ზეითუნის ან მცენარეული ზეთი ჩაამატოთ.

შეცდომა 7: კექსის დაჭრა მომზადებისთანავე

წარმოიდგინეთ სიტუაცია: დედა კექსს ამზადებს, მადისაღმძვრელი სურნელი მთელ სახლს ედება და ოჯახის წევრები კი თანდათანობით სამზარეულოში იკრიბებიან, რათა ღუმელიდან გამოღებული დესერტი დააგემოვნონ. თუნცა დედა კექსით გამასპინძლებას არ ჩქარობს და ამბობს საჭიროა მის გაციებას დაელოდოთ. მისი გადაწყვეტილება მართებულია მიუხედავად იმისა, რომ თავიდან ის მკაცრად მოგეჩვენებათ. საქმე იმაშია, რომ ცხელი კექსი დაჭრისას ფორმას კარგავს. კექსის მირთმევა ცივ ან თბილ მდგომარეობაშია მიღებული, ზოგიერთი განსაკუთრებით კარგი მეორე დღესაა.

შეცდომა 8: მაცივარში პროდუქტების ერთ თაროზე შენახვა

მაცივარში პროდუქტების შენახვას თავისი წესები აქვს. ასე მაგალითად, ერთ თაროზე არ შეიძლება ხორცის, ხილისა და ბოსტნეულის შენახვა, რადგანაც ამან შესაძლოა სერიოზული ურთიერთდაბინძურება გამოიწვიოს, რაც შემდგომში დაავადებების მიზეზი გახდება. დაიხსომეთ: ხორცი, ფრინველის ხორცი და თევზი დაბლა თაროზე უნდა ინახებოდეს, რათა მაცივრიდან გამოღებისას მათი წვენი შემთხვევით სხვა პროდუქტებზე არ მოხვდეს. რძის პროდუქტებისთვისაც საჭიროა ცალკე თაროს გამოყოფა. უმჯობესია კუთხის ტერიტორია არ იყოს, რადგანაც სწორედ მანდ ხდება ტემპერატურის ყველაზე ხშირი ცვლილება, ეს კი მცირე ვარგისიანობის ვადის მქონე პროდუქტებზე ცუდად აისახება.

შეცდომა 9: ბროკოლის დიდხანს ხარშვა

ბროკოლი საოცრად სასარგებლო პროდუქტია. მის შემადგენლობაში არა მხოლოდ ვიტამინები(E, C, B5 და სხვა) შედის, არამედ მინერალები და მიკრო და მაკრო ელემენტები. მათ შორის შეგვიძლია გამოვყოთ კალიუმი, რომელიც ქსოვილებს ზედმეტს მარილებს აშორებს, კალციუმი, რომელიც ძვლის სიმტკიცეს უზრუნველყოფს, იოდი, რომელიც ფარისებრივი ჯირკვლის ნორმალური ფუნქციონირებისათვისაა აუცილებელი და ა.შ.

სარგებლიანობის მიუხედავად, ბროკოლი ცოტას თუ უყვარს. მიზეზი გემოზე მეტად მომზადების ტექნიკის შეუსრულებლობაშია. ბროკოლის დიდხანს ხარშვა საჭირო არაა, რადგანაც სხვა შემთხვევაში მისი გემოც და ვიზუალიც გაფუჭდება. მწვანე ფერის ბოსტნეულთა უმეტესობა, როგორიცაა ბროკოლი, სატაცური და ბარდა სასურველია დიდი რაოდენობით მარილიან წყალში 5-7წუთით ხარშოთ თუ პროდუქტი ახალია, ხოლო თუ გაყინულს იყენებთ, ამ შემთხვევაში ხარშვის დრო 10-12წუთამდე გაზარდეთ. და რაც მთავარია – მომზადების პროცესის დასრულების შემდეგ, ბოსტნეული ცივ წყალში უნდა გაავლოთ.

შეცდომა 10: ბევრი დანის ყიდვა

ზოგიერთ დიასახლის დიდი რაოდენობით დანების ყიდვა სჩვევია: დანა პურისთვის, ხორცისთვის, ბოსტნეულისათვის და ა.შ. სინამდვილეში პროფესინალი კულინარების მხოლოდ სამი სახეობის დანას მოიხმარენ: დიდი სამზარეულოს დანა, ბოსტნეულის გასაწმენდი დანა და საშუალო ზომის დანა პროდუქტების დასაჭრელად. უაზრობაა ათობით დანის ყიდვა, უმჯობესია რამოდენიმე და მაღალი ხარისხის.

პასუხის გაცემა

გთხოვთ დაწერეთ კომენტარი
გთხოვთ ჩაწერეთ თქვენი სახელი