ხახვი ჩვენი საყვარელი ხორცის, თევზისა და ბოსტნეულის კერძებში აუცილებელი ინგრედიენტია. იგი ავსებს პროდუქტებს, ამდიდრებს გემოსა და მადისაღმძვრელ სუნს. ამასთან, კულინარიული გამოყენების გარდა ხახვი საყოფაცხოვრებო მოხმარებისთვისაც კარგია. იგი შეიძლება გამოყენებულ იქნას ზედაპირების გასაწმენდად და მწერების მოსაშორებლადაც კი. როგორ? სტატიაში მოგიყვებით.
1. ლითონის გაპრიალება
ლითონის საგნის გაუფერულების შემთხვევაში გამოიყენეთ ხახვი ორიგინალური ბრწყინვალების აღსადგენად. გაატარეთ პროდუქტი ბლენდერში და ფაფას დაამატეთ ცოტაოდენი სითხე. აიღეთ რბილი ქსოვილი, დაასველეთ იგი პროდუქტში და საგულდაგულოდ შეაზილეთ ნივთებსა და ლითონის ზედაპირებზე. ჩამორეცხეთ ხახვიანი სითხე სუფთა წყლით და გააპრიალეთ ნივთი მშრალი ქსოვილით.
2. გრილის გაწმენდა
ხახვი გაჭერით შუაზე გრილიდან მურისა და დამწვარი საკვების მოსაცილებლად განახორციელეთ მანიპულაციები მანამ, სანამ გრილი ცხელი იქნება. ამგვარად ჭუჭყი ბევრად მარტივად “მოშორდება”. უსაფრთხოების მიზნით მოარგეთ ნახევარი ხახვი ჩანგალზე და გახეხეთ გრილი. ბოსტნეულის წვენი გაწმენდს და დეზინფექცირებას გაუწევს გრილს. სხვათა შორის, კერძის მომზადებამდე შეგიძლიათ ხახვი შეწვათ, რათა მომავალი კერძის გემო გააუმჯობესოთ.
3. დაჭრა ცრემლების გარეშე
იმისათვის, რათა ხახვმა დაჭრის დროს მწვავე ცრემლიანობა არ გამოიწვიოს, დაღეჭეთ რეზინი მთელი პროცესის განმავლობაში. გარდა ამისა, ბოსტნეული და დანა ამოავლეთ ყინულიან წყალში და მხოლოდ შემდეგ დაიწყეთ კერძის მომზადება.
4. საღებავის სუნის აღმოფხვრა
მიუხედავად მისი სპეციფიკური არომატისა, ხახვი მშვენივრად ანეიტრალებს უცხო სუნს. მაგალითად, იგი ხელს უწყობს სუნის მოშორებას შეღებვის შემდეგ. თუკი გსურთ საღებავის სუნი სწრაფად გაქრეს, დაჭერით ბოსტნეული მეოთხედებად და მოათავსეთ იგი წყალში. დატოვეთ ხელნაკეთი ნეიტრალიზატორი შეღებილ ოთახში, ხოლო დილით განიავეთ ოთახი. საღებავის გარდა, ხახვი შთანთქავს სხვა უსიამოვნო არომატებსაც.
5. კოღოების მოსაგერიებელი საშუალება
მწერები ვერ იტანენ ხახვის არომატს, ამიტომაც აუცილებლად თან იქონიეთ ბოსტნეული, როდესაც საზაფხულო ლაშქრობაზე ან ბანაკში იქნებით. პროდუქტი გაჭერით ორ ნაწილად და დაუცველი კანი მისით დაიზილეთ. ამგვარი დაცვით კოღოები საშიშროებას აღარ წარმოადგენენ და ადამიანებიც მოერიდებიან თქვენთან მოახლოებას.
6. თანაბარ ზომებად დაჭრა
თუკი ხახვის სრულყოფილ ზომებად დაჭრა გჭირდებათ, შემდგომი ცხოვრებისეული ხრიკი გამოიყენეთ. აიღეთ ბოსტნეული და გაფრცქვნის გარეშე მოაჭერით თავი. ფესვის ნაწილს ჯერ არ შეეხოთ და პროდუქტი ორად გაჭერით. მოაცილეთ ქერქი. პირველ რიგში, გააკეთეთ ვერტიკალური ჭრილობები, ძირში ცოტა მოკლე და შემდეგ ჰორიზონტალური. დაჭრის დროს ქვედა მხარე მხარს გაამაგრებს ხახვს, რითიც ლპობას ააცილებს თავიდან, ხოლო თქვენ სრულყოფილად თანაბარი ნაჭრების უზრუნველყოფასაც შეძლებთ.
7. ავოკადოების დაცვა გაფუჭებისგან
გაფრცქვნილი ნაყოფი სწრაფად მუქდება და ფუჭდება პროდუქტის შემადგენელი ფერმენტების დაჟანგვიდან გამომდინარე. ხახვი ავოკადოს ვარგისიანობის გახანგრძლივების ერთ-ერთი გზაა. აიღეთ კონტეინერი და ჩადეთ მასში ხილი, ხოლო მის გვერდით – გასუფთავებული ხახვის ნახევარი. ბოსტნეული გამოყოფს გოგირდის ნაერთებს, რომლებიც ანელებენ ჟანგვის პროცესებს. შესაბამისად, მეორე დღეს ავოკადო ახალივით იქნება.
8. კარამელიზირებული ხახვები
კარამელიზაცია ხელს უწყობს სიმწარის მოშორებას ისე, რომ პროდუქტს ტკბილი გემო და მადისაღმძვრელი ქერქი ჰქონდეს. ამ პროცესში ბოსტნეული შესაძლოა დაიწვას ან ცუდად მოიხარშოს. ამის თავიდან ასაცილებლად, გააჩერეთ პროდუქტი დაბალ ცეცხლზე მინიმუმ 45 წუთის განმავლობაში. ამდენივე ხანი დასჭირდება შაქრის ხახვის ზედაპირზე თანაბრად გადანაწილებასაც. ამასთან, არსებობს ცხოვრებისეული ხრიკი, რომელიც კარამელიზაციას დააჩქარებს. საჭმელს დაუმატეთ ცოტაოდენი სოდა, რათა კერძის მჟავიანობა გაზარდოთ. მაგალითად, სამ დიდ ბოსტნეულს დასჭირდება 1/8 ჩ.კ. პროდუქტი. ჩვენ ასევე გირჩევთ მოაყაროთ ხახვს შაქარი, რომ სოდის სიმწარე გადაიფაროს.
9. ყინულის თოშისაგან დაცვა
ზამთარში, მანქანის საქარე მინა რეგულარულად იყინება. იმისათვის, რომ ეს დილით არ მოხდეს, საღამოს ნახევარი ხახვით გახეხეთ მინის ზედაპირი.
10. დაჟანგებისაგან დამცავი საშუალება
დანის პირზე ჟანგის მოშორების უმარტივესი და სწრაფი გზა. აიღეთ ხახვი და უბრალოდ წვრილად დაჭერით. პროცესში ჟანგი მოიხსნება და ლაქები გაქრება.
11. ხახვის პირვანდელი იერის შენარჩუნება
იმისათვის, რომ პროდუქტი დიდი ხნის განმავლობაში არ გაფუჭდეს, შეინახეთ იგი ქაღალდის ტომარაში. პირველ რიგში, გააკეთეთ “კონტეინერში” ჰაერის კარგი ცირკულაციისთვის მრავალი ხვრელი გააკეთეთ, შემდეგ კი მოათავსეთ პროდუქტი. ქაღალდის შეფუთვაში ხახვი რამდენიმე თვემდე შეინარჩუნებს თავდაპირველ იერს.
12. ჭიანჭველებთან მებრძოლი
მწერებით სავსეა სახლი? ჭიანჭველები უსწრაფესად გაქრებიან, თუკი დაჭრილ ხახვს მათი თავმოყრის ადგილებში მოათავსებთ. სისუფთავისთვის პატარა ჭურჭელში ჩაყარეთ პროდუქტი. აღნიშნული სუნი მწერებისთვის იმდენად აუტანელია, რომ ისინი მალევე დატოვებენ თქვენს სახლს.
