ადამიანის ერთ–ერთი ფიზიოლოგიური თავისებურება საოფლე ჯირკვლების ყოველდღიური ფუნქციონირებაა. ისინი დამახასიათებელი სუნის მქონე სითხეს გამოყოფენ. ოფლიანობის პროცესს განსაკუთრებული დეოდორანტები, ანტიპერსპირანტები ანელებენ. ასეთი დეოდორანტები ტანსაცმელზე ხშირად თეთრ ზოლებს ტოვებენ. გარდა ამისა, ტანსაცმელზე შეიძლება ოფლის ყვითელი ლაქებიც გაჩნდეს. ასეთი სპეციფიკური ჭუჭყის მოშორებაში მარტივი ხრიკები დაგეხმარებათ, რომელთაც Novate გიზიარებთ.
1. ვაშორებთ ოფლის ლაქებს თეთრ და ფერად ტანსაცმელს
ყველა ადამიანი ოფლიანობს. ზოგი მეტად, ზოგი ნაკლებად. ოფლდენის პროცესის ინტენსივობა მხოლოდ ფიზიკურ ვარჯიშზე არაა დამოკიდებული. საოფლე ჯირკვლებიდან სითხის გამოყოფა სტრესის, შფოთვის, შიშის და რაღაც მნიშვნელოვანის მოლოდინის დროს შეიძლება გაიზარდოს. ნებისმიერ შემთხვევაში ტანსაცმელზე ყვითელი ოფლის ლაქები ჩნდება. ახალი ლაქების მოშორება გაცილებით მარტივია. ძველი, ჩამჯდარი ლაქების მოსაშორებლად სპეციალური საშუალებები დაგჭირდებათ. ქვემოთ ერთ–ერთი საშუალება მაინც შეიძლება ხელთ გქონდეთ.
1. მარილი. ფერად ტანსაცმელზე, მათ შორის შავ ნივთებზე, ოფლის ლაქებს კარგად უმკლავდება. 1 ს/კ სუფრის მარილი და რბილი კბილის ჯაგრისი დაგჭირდებათ. მარილი ჭუჭყიან ადგილს კარგად შეაზილეთ და 8-10 საათით გააჩერეთ. შემდეგ ცივ წყალში გაავლეთ და ჩვეული რეჟიმით გარეცხეთ. როგორც ვარიანტი, ტანსაცმელი თბილ მარილიან ხსნარში 15-20 წუთით ჩაალბეთ. ამის შემდეგ საპნით გარეცხეთ და სარეცხ მანქანაში დოლურაში მოათავსეთ.
2. არაყი ან სამედიცინო სპირტი. ცხელი სითხეები წყალში 1:1 თანაფარდობით გააზავეთ. სპირტის ხსნარში ბამბის დისკი ჩაალბეთ და ლაქა გაწმინდეთ. თუ ყვითელი ზოლები არ გაქრა, წყლიანი საფენი 25-55 წუთით გააჩერეთ. შემდეგ ნივთი ჩვეული მეთოდით გარეცხეთ.
3. ჭურჭლის სარეცხი საშუალება. არა ყველა, არამედ მხოლოდ ის, რომელიც გლიცერინს შეიცავს. ეს ინგრედიენტი ოფლის ლაქებს ეფექტურად უმკლავდება. ჭურჭლის სარეცხი საშუალება ჭუჭყიან ადგილს წაუსვით. კარგად ააქაფეთ და 15-40 წუთით გააჩერეთ. თუ ლაქა ძველია, მინიმუმ 1 საათით გააჩერეთ. შემდეგ ჩვეული მეთოდით გარეცხეთ. მნიშვნელოვანია: თუ საღებავი გამძლე არაა, ასეთი პროცედურის შემდეგ გარდერობის ნივთი ოდნავ გაფერმკრთალდება.
4. ლიმონმჟავა. ფრთხილად გამოიყენეთ, რომ ქსოვილი არ დააზიანოთ. 0,5 ჩ/კ ლიმონმჟავა ნახევარ ჭიქა თბილ წყალში გახსენით და ოფლის ლაქას ფრთხილად წაუსვით. 15-40 წუთით გააჩერეთ, შემდეგ ცივ წყალში გარეცხეთ.
5. ძმარი. როგორც ყვითელ ლაქებს, ასევე ოფლის სპეციფიკურ სუნს შესანიშნავად უმკლავდება. სუფრის ძმარში ბამბის დისკი ან ღია ფერის ნაჭერი გაჟღინთეთ და ჭუჭყიანი ადგილი ფრთხილად დაამუშავეთ. თუ ოფლის ლაქა ძველია, ძმრის საფენი რამდენიმე საათით გააჩერეთ. ოპტიმალურია – მთელი ღამე. ასეთი დამუშავების შემდეგ ჩვეული მეთოდით გარეცხეთ. ძმარმა ღია და თეთრი ფერის ნივთებზე შეიძლება ყვითელი ზოლები დატოვოს. თუ ტანსაცმლის გაფუჭების სურვილი არ გაქვთ, ოფლის ლაქების მოსაშორებლად სხვა მეთოდები გამოიყენეთ.
2. როგორ მოვიშოროთ ოფლის ლაქები თეთრ და ღია ფერის ტანსაცმელზე
ოფლის ზოლების მოსაშორებლად ლიმონის წვენი ერთ–ერთ ყველაზე ეფექტურ საშუალებად ითვლება. რამდენიმე წვეთი საკმარისია, რომ სიყვითლე გაქრეს. ლიმონის წვენი ლაქას წაუსვით და სამოქმედოდ 10-15 წუთით გააჩერეთ. შემდეგ ცივი გამდინარე წყალი კარგად გაავლეთ.
ნებისმიერი სახის ჭუჭყს, მათ შორის ოფლის ლაქებს, უბრალო სოდაც კარგად უმკლავდება. სოდის ფაფა (5 ს/კ ფხვიერი მასალა + ნახევარი ჭიქა ცივი წყალი) ძველი კბილის ჯაგრისით ჭუჭყიან ადგილს შეაზილეთ. მანამ გააჩერეთ, სანამ ლაქა არ გაფერმკრთალდება. ამის შემდეგ გარდერობის ნივთი სარეცხ მანქანაში მოათავსეთ.
ნიშადურის სპირტი პრაქტიკულად ნებისმიერი სახის ჭუჭყს უმკლავდება. ოფლის ლაქის მოსაშორებლად ნიშადური და წყალი 1:1 თანაფარდობით აურიეთ. მიღებული ხსნარით ბამბის დისკი დაასველეთ და ყვითელ ზოლებს წაუსვით. 10-15 წუთში თბილი წყალი კარგად გაავლეთ.
როგორი უცნაურიც არ უნდა იყოს, ოფლის ლაქებს ასპირინიც უმკლავდება. მასში სალიცილის მჟავა შედის, რომელიც ჭუჭყს შლის. ყვითელი ზოლების მოსაშორებლად 2 აბი ასპირინი დაგჭირდებათ. დაფშვენით და ნახევარ ჭიქა ოთახის ტემპერატურის წყალში გააზავეთ. კბილის ჯაგრისით ოფლის ლაქებს წაუსვით და 15-60 წუთით გააჩერეთ. ამის შემდეგ დამუშავებული ადგილი დიასახლისის საპნით გარეცხეთ. ამის შემდეგ სარეცხ მანქანაში გარეცხეთ. სხვათა შორის, დიასახლისის საპონი სხვადასხვა სახის ჭუჭყის, მათ შორის ოფლის ან ცხიმის ლაქების მოსაშორებლად შესანიშნავი დამხმარეა.
3. ვაქრობთ დეოდორანტ–ანტიპერსპირანტის თეთრ კვალს
თეთრი ზოლები, განსაკუთრებით შავ ტანსაცმელზე, განწყობას აფუჭებს და მოწესრიგების ძალისხმევას ანულებს. ბევრი ანტიპერსპირანტი, მწარმოებლების გარანტიის მიუხედავად, ტანსაცმელზე ანაბეჭდს მაინც ტოვებს. მხოლოდ ახალი ლაქების მოშორებას შეძლებთ სწრაფად. ამ შემთხვევაში ნეილონით გაწმენდა საკმარისია. მაგალითად, წინდა ან ძველი კოლგოტი გამოიყენეთ.
თუ თეთრი ზოლები ტანსაცმელს ერთ დღეზე მეტი ხანია აქვს, მაშინ მასთან გამკლავებას სხვა საშუალებებით შეძლებს:
- სპირტის სალფეთქი ან სამედიცინო სპირტი. ლაქა გაწმინდეთ მანამ, სანამ არ გაქრება.
- მიცერალური წყალი არა მხოლოდ მაკიაჟს, არამედ დეოდორანტის თეთრ ლაქებს აქრობს.
- სოდა და ჭურჭლის სარეცხი საშუალება. ანტიპერსპირანტის თეთრ ზოლებს სოდა მოაყარეთ. ზემოდან რამდენიმე წვეთი ჭურჭლის სარეცხი საშუალება დაუმატეთ. ფაფის მიღებამდე აურიეთ და ლაქაზე 5 წუთით გააჩერეთ. შემდეგ წყალი გაავლეთ.
