როგორ ავურიოთ ბეტონს ბეტონის მიქსერის გარეშე? არის შემთხვევები, როცა სამრეწველო მასშტაბის ბეტონი არ გვჭირდება. არის შემთხვევები, როცა სხვა მეთოდის მოფიქრება უფრო მარტივია, ვიდრე მე–10 სართულზე მძიმე ბეტონის მიქსერის ატანა. ზოგჯერ ვაკეთებთ ბეტონის კაშპოს, იატაკის საფარს ან ნაკვეთზე ბეტონის ბილიკს და ა.შ. დღეს Novate გიზიარებთ რამდენიმე მარტივ მეთოდს ბეტონის შესარევად.
ბეტონის შერევის მეთოდები
ნიჩაბი – ჩვეულებრივ, ნიჩაბს და რაიმე ტაშტს ვიყენებთ. ნიჩაბს მაშინ იყენებენ, როცა ელექტროტექნიკის გამოყენების შესაძლებლობა არაა. რაც უფრო ფართოა ჭურჭელი, მით უფრო მარტივია ნიჩბით მუშაობა. ნიჩბით მუშაობა ფიზიკურად რთულია. სანამ ბეტონს აურევთ, შეგიძლიათ გასამაგრებლად დატოვოთ, რადგან სამშენებლოდ და სარემონტოდ ძალა აღარ დაგრჩებათ. სხვა ვარიანტებიც არსებობს.
თოხი – ბილიკის და საფარის დასაგებად ბევრი ბეტონი საჭირო არაა. ნიჩბის ბანალურად თოხით ჩანაცვლება მორევის პროცესს მნიშვნელოვნად გაამარტივებს. ერთგვაროვანი მასის მისაღებად ბეტონით სავსე კონტეინერი დახარეთ და ქვიშის გარდა ყველა კომპონენტი ჩაყარეთ. ქვიშა ბოლოს დაუმატეთ, რომ კარგად აურიოთ.
ფოცხი – თუ ნიჩაბი ან თოხი არ გაქვთ, ფოცხიც გამოგადგებათ. ამ შემთხვევაში ჯერ მშრალი კომპონენტები აურიეთ და თანდათან აუცილებლობის მიხედვით წყალი დაუმატეთ. ზოგის ბაღის ფოცხს აქებს, რადგან დატვირთვა გაცილებით მცირდება.
სამშენებლო მიქსერი – პერფორატორის საცმი რემონტის დროს დაგეხმარებათ. ბეტონს იმაზე უკეთ აურევს, ვიდრე ბეტონის მიქსერი. პრობლემა იმაშია, რომ ასეთი მეთოდი ყველა მიზნისთვის არ გამოგადგებათ. ბეტონის მასა აირევა, თუ საკმარისად ელასტიურია. თუ ბეტონი მძიმეა, ღორღმა შეიძლება მიქსერის პირი დააზიანოს. და მაინც, ცოტა ბეტონის შესარევად კარგია, თუ ვედროს გარდა სხვაგან ვერსად აურევთ. ბინაში ასეთი ვარიანტი გამოგადგებათ.
რაში ავურიოთ ბეტონი – ხელით სჯობს ბეტონი ფართო და დაბალგვერდიან ჭურჭელში მოზილოთ. მიქსერით მაღალ კონტეინერში, ვედროში ან დიდ ქვაბში მოზილეთ. ისეთი ჭურჭელი გამოიყენეთ, რომელიც არ გენანებათ. ეს შეიძლება იყოს კაჭკა, ძველი აბაზანა, რაიმე მოგრძო ჭურჭელი. ემალის საშხაპე სადგამი ყველაზე შესაფერისია, რადგან ბეტონის ნარევთან მუშაობის შემდეგ ადვილად ირეცხება.
ბეტონის შესარევად შეგიძლიათ უბრალოდ ლითონის ფურცელი ან მყარი ზედაპირი გამოიყენოთ. პროცესი ცომის მოზელას ჰგავს. ამისთვის მშრალი ინგრედიენტები ერთმანეთს აურიეთ. მშრალ ნარევში ჩაღრმავება გააკეთეთ და აუცილებელი რაოდენობის წყალი დაასხით. ამის შემდეგ მოსახერხებელი ინსტრუმენტით (ნიჩაბი, თოხი ან ფოცხი) აურიეთ.
სინამდვილეში შეძენილი ბეტონი მტანჯველი და ხანგრძლივი მორევის პრობლემას აგვარებს, თუმცა ფოცხით და ქვიშით ბეტონის მორევა უფრო იაფია. თქვენი აზრით, რომელი მეთოდია უკეთესი სახლის პირობებში ბეტონის მოსამზადებლად ბეტონის მიქსერის გარეშე?
