სამშენებლო–საკანცელარიო დანა ისეთი მარტივი არაა, როგორც ერთი შეხედვით ჩანს. ადამიანების უმეტესობა, რომლებიც მსგავს ხელსაწყოს სახლის ინსტრუმენტების ნაკრებისთვის ყიდულობს, ბევრ რამეს საერთოდ არ აკვირდება. არსებობს მომენტები, რომელთა გათვალისწინებაც სჯობს. დღეს Novate სწორედ ასეთ დეტალებზე გიამბობთ.
1. არასწორი სისტემის ფიქსატორი
სეგმენტებიანი დანების უმეტესობას აქვს პლასტმასის ფიქსატორები ჩამკეტებით. ყველამ, ვისაც მსგავსი ინსტრუმენტი რაიმე ნაკლებად სერიოზული და ბინძური სამუშაოს შესრულებისას გამოუყენებია, იცის, რომ ფიქსატორები მოკლე დროში იჭედება და შრომისუნარიანობას კარგავს. აღსანიშნავია, რომ დანების უმეტესობისთვის ფიქსატორი ეკონომიის მიზნით გამარტივებული სქემით კეთდება. ყველაფერი იმიტომ, რომ დანა საკანცელარიო კატეგორიას მიეკუთვნება. სამშენებლო სეგმენტური დანის ფიქსატორს პრინციპულად სხვა მოწყობილობა აქვს.
2. სწორი სახელური
კარგ სეგმენტებიან დანას, რომელიც არა მხოლოდ ყუთების გასახსნელად გამოიყენება, ერგონომიული სახელური უნდა ჰქონდეს: როგორც მინიმუმ, ზემოთ და ქვემოთ ამობურცული დეტალები. მარტივი მისახვედრია, რომ ასეთი ამობურცული დეტალები დანის ხელში სრიალს აფერხებს.
3. სწორი სავარცხლის ქონა
საყოფაცხოვრებო და სამშენებლო სეგმენტებიან დანას ფიქსაციის სავარცხელი აუცილებლად უნდა ჰქონდეს. უმეტეს შემთხვევაში საკანცელარიო დანას სწორი სავარცხელი არ აქვს ან პლასტმასისგან არის დამზადებული. თუმცა მეტი საიმედოობისთვის მხოლოდ ლითონისგან უნდა იყოს დამზადებული. პლასტმასის სავარცხლის მქონე დანის გამოყენება რთული ოპერაციებისთვის არ ღირს.
4. სხვადასხვა პირები
ზოგიერთი მოსაზრებით, საკანცელარიო დანას 18 მმ პირები აქვს, ხოლო სამშენებლო და საყოფაცხოვრებო დანებს 25 მმ და უფრო ფართო პირები აქვს. სინამდვილეში, დანის კატეგორია მისი პირის სიგანესთან კავშირში არაა. ყველა სეგმენტებიანი დანა მხოლოდ რბილ მასალებთან სამუშაოდ არის განკუთვნილი.
5. პროფესიონალური ინსტრუმენტი
სეგმენტებიანი დანები არა მხოლოდ ფასით და დიზაინით განსხვავდება. პირველ რიგში, სხვადასხვა პირები აქვთ. პროფესიონალური „სამშენებლო“ დანების ნიშანია SG – Structural Grading, ამის შემდეგ ფოლადის ნუმერაცია მოდის. მაგალითად, SG-2 – მაღალი სიმტკიცის ლამინირებული ფოლადი, რომელიც რთული სამუშაოსთვის არის შესაფერისი.
