კიტრის ფოთლები ლაქებით დაიფარა: როგორ მოვიშოროთ უსიამოვნება

კიტრის ფოთლებზე ესა თუ ის ლაქები სხვადასხვა მიზეზით შეიძლება გაჩნდეს. უმეტეს შემთხვევაში ორი დიდი პრობლემების კატეგორიას მიეკუთვნება: მკვებავი ელემენეტების დეფიციტი და მცენარეული დაავადებები ან მავნებლები. ამ შემთხვევაში კიტრი სპეციალური საშუალებით უნდა განკურნოთ. Novate კიტრის ფოთლების ყველაზე გავრცელებულ პრობლემებს გიზიარებთ.

1. ბაქტერიოზი

სიმპტომები: ჯერ ფოთლის უკანა მხარეს წყლიანი წარმონაქმნები ჩნდება, შემდეგ – კუთხური ყვითელი ლაქები. ბოლოს ლაქა ყავისფერი ხდება ყვითელი გარსით.

რა გავაკეთოთ: პირველივე სიმპტომზე დაამუშავეთ ფუნგიციდით, 0,3%–იანი სპილენძის ოქსიქლორიდის ან 1%–იანი ბორდოს სითხის ხსნარით.

2. მკვებავი ნივთიერებების დეფიციტი

სიმპტომები: ფოთლები თანაბრად ყვითლდება, შემდეგ საერთოდ ხმება. ზოგჯერ ლაქები ძარღვებთან ჩნდება.

რა გავაკეთოთ: მინერალური სასუქით გამოკვებეთ.

3. ჩვეულებრივი მოზაიკა

სიმპტომები: ფოთლებზე თავიდან ცალკეული მოყვითალო–მწვანე ლაქები ჩნდება, რომლებიც თანდათან მოზაიკად გადაიქცევა. ბოლოს ფოთლები ნაოჭდება.

რა გავაკეთოთ: დაზიანებული მცენარე მხოლოდ უნდა განადგურდეს. დაავადებული კიტრი ამოთხარეთ და დაწვით, რადგან ვირუსი მცენარისთვის ძალიან სახიფათოა. მოშორებული ბუჩქის გვერდით ყველა მცენარე 0,03%–იანი ფარამოიდის ხსნარით დაამუშავეთ. ბუგრების საწინააღმდეგო საშუალებაც გამოიყენეთ, რადგან ისინი მოზაიკას ავრცელებენ.

4. დამწვრობა და მოყინვა

სიმპტომები: ფოთლებზე ჩნდება ყვითელი ლაქები, ხოლო მოგვიანებით ღერო შავდება.

რა გავაკეთოთ: მიწას მარგანცოვკის ხსნარი დაუმატეთ, მიწა გააფხვიერეთ, ფესვებს ხის ნაცარი მოაყარეთ, მორწყვა შეამცირეთ.

5. თეთრი მოზაიკა

სიმპტომები: ფოთლებზე დამახასიათებელი თეთრი მოზაიკა ჩნდება.

რა გავაკეთოთ: დაზიანებული მცენარე მხოლოდ უნდა განადგურდეს. დაავადებული კიტრი ამოთხარეთ და დაწვით, რადგან ვირუსი სახიფათოა. როგორც ჩვეულებრივი მოზაიკის შემთხვევაში, მის გარშემო მცენარეები ფარამოიდით და ბუგრების საწინააღმდეგო საშუალებით დაამუშავეთ.

6. ნაცროვანი სოკო

სიმპტომები: ფოთლებზე თეთრი და მორიჟო ლაქები ჩნდება. მოგვიანებით ლაქები ღეროებზე ვრცელდება. დაავადება მცენარეს ნელ–ნელა კლავს. წვიმის შემდეგ განსაკუთრებით სწრაფად ვრცელდება.

რა გავაკეთოთ: კოლოიდური გოგირდის ხსნარი მოამზადეთ: 15 გ 10 ლ წყალზე. მცენარეებს შეასხურეთ. სპილენძის სულფატის საპნიანი ხსნარიც გამოგადგებათ: 7 გ სპილენძი, 100 გ თხევადი საპონი 10 ლ წყალზე.

7. ობობის ტკიპა

სიმპტომები: ფოთლების უკანა მხარეს ჩნდება თეთრი ობობის ქსელი, ხოლო წინა მხარეს ღია ლაქები.

რა გავაკეთოთ: დაზიანებული ფოთლები იპოვეთ და მცენარეს მოაშორეთ. ამის შემდეგ მოაგროვეთ და დაწვით. დაზიანებული ბუჩქი და მის გარშემო მცენარეები რაიმე ინსექტიციდით დაამუშავეთ.

8. ანთრაქნოზი

სიმპტომები: ფოთლებსა და ღეროებზე მორიჟო და ყავისფერი ლაქები ჩნდება, რომელთაც სხვადასხვა დიამეტრი აქვთ. ლაქა თანდათან ვიწრო ღარი ხდება, ისინი – ხვრელები.

რა გავაკეთოთ: პირველივე სიმპტომზე ფუნგიციდებით, 0,4%–იანი სპილენძის ოქსიქლორიდის ხსნარით ან 1%–იანი ბორდოს სითხის ხსნარით დაამუშავეთ.

9. ასკოქიტოზი

სიმპტომები: ფოთლებზე ნაცრისფერი წყლიანი ლაქები ჩნდება. დროთა განმავლობაში ლაქები ყავისფერდება და ხმება. ასკოქიტოზმა შეიძლება ნაყოფიც დააზიანოს.

რა გავაკეთოთ: მცენარე 4–ჯერ 1%–იანი ბორდოს სითხის ხსნარით დაამუშავეთ (10-12 დღე ინტერვალი). დასამუშავებლად შეგიძლიათ გამოიყენოთ 0,3%–იანი სპილენძის ოქსიქლორიდის სუსპენზია ან სპილენძის სულფატის და შარდოვანას ხსნარი (5 გ სულფატი, 10 გ შარდოვანა 10 ლ წყალზე).

10. პერონოსპოროზი

სიმპტომები: ღია მწვანე ლაქები ფოთლის ზედა ნაწილზე ძარღვებთან. თანდათან ლაქა ყავისფერდება, უკანა მხარეს სოკოს სპორები ჩნდება.

რა გავაკეთოთ: პირველივე სიმპტომებზე გამოიყენეთ 1%–იანი ბორდოს სითხის ხსნარი, გამაირი, ფიტოსპორინი–მ, ვიტოპლანი.

11. კუთხური ლაქიანობა

სიმპტომები: ფოთლებზე ყავისფერი ლაქები ყვითელი გარსით ჩნდება. ახალი ლაქა შეიძლება წყლიანი იყოს. ბოლოს სპეციფიკური თეთრი ნადები ჩნდება.

რა გავაკეთოთ: პირველივე სიმპტომებზე 0,3%–იანი სპილენძის ოქსიქლორიდის ხსნარით, ფუნგიციდით ან 1%–იანი ბორდოს სითხის ხსნარით დაამუშავეთ.

12. ალტერნარიოზი

სიმპტომები: ქვედა ფოთლებზე მშრალი და ოდნავ ამობურცული ყავისფერი ლაქები ჩნდება, რომელთაც 2 სმ დიამეტრი აქვთ. დაავადება სხვა მცენარეზე ადვილად ვრცელდება. უმეტესად სათბურის კიტრს აზიანებს.

რა გავაკეთოთ: პირველივე სიმპტომებზე მცენარე ფუნგიციდით ან 1%–იანი ბორდოს სითხის ხსნარით დაამუშავეთ.

13. ბაქტერიული ჭკნობა

სიმპტომები: ფოთლებზე ძლივს შესამჩნევი წებოვანი ფირი ჩნდება, ამის შემდეგ – ღია ლაქები, რომლებიც ხმება და ყვითლდება.

რა გავაკეთოთ: მცენარე ინსექტიციდებით დაამუშავეთ, რადგან მწერი უსიამოვნების მთავარი გამავრცელებელია.